दिइएको उद्घोषणको नमुना पढ्नुहोस्। नमुनाका आधारमा निबन्ध प्रतियोगितामा उद्घोषण गरेको नमुना लेखी कक्षामा प्रस्तुत गर्नुहोस्

Question

Accepted Answer

उद्घोषणको नमुना (निबन्ध प्रतियोगिताका लागि): मिति २०८० साल कात्तिक १० गते यस श्री जनकल्याण माध्यमिक विद्यालयको सभाहलमा जिल्लास्तरीय निबन्ध लेखन प्रतियोगिताका लागि उपस्थित सम्पूर्ण महानुभावलाई हार्दिक अभिवादन र स्वागत गर्दछु। अब हिला नगरिकन कार्यक्रमको औपचारिकतातिर प्रवेश गराउँछु। सर्वप्रथम यस निबन्ध प्रतियोगिता कार्यक्रमको सभाध्यक्षको भूमिका निर्वाह गरिदिनुहुन विद्यालयका प्रधानाध्यापक दिनेशप्रसाद अधिकारीलाई अनुरोध गर्दछु। सभाध्यक्षको अनुमति पाएसँगै अब कार्यक्रममा अतिथिलाई आसन ग्रहण गराउँदै छु। हाम्रो आमन्त्रणलाई सहर्ष स्वीकार गरी आउनुभएका पालिकाका अध्यक्ष श्री रमेश थापालाई प्रमुख अतिथिको आसन ग्रहणका लागि हार्दिक अनुरोध गर्दछु। उहाँलाई जोडदार तालीले स्वागत गरौं। यो प्रतिस्पर्धात्मक निबन्ध लेखन प्रतियोगिता भएकाले यसको निर्णायकका लागि नेपाली विषय शिक्षक सरिता पौडेल, कमला श्रेष्ठ र विनोद तामाङलाई अनुरोध गर्दछु। त्यस्तैगरी सम्पूर्ण शिक्षक, प्रतियोगितामा सहभागी विद्यार्थी र अन्य विद्यार्थीसहित उपस्थित सम्पूर्ण मान्यजनलाई आआफ्नो स्थानमा आसन ग्रहण गरिदिनुहुन अनुरोध गर्दछु। अब निबन्ध प्रतियोगितालाई क्रमशः सुरु गरिने छ। ... (प्रतियोगिता सम्पन्न भएपछि) निबन्ध प्रतियोगितामा उत्कृष्ट रचनाको निर्णय सुनाइदिनुहुन निर्णायक मण्डललाई अनुरोध गर्दछु। अब पुरस्कार वितरण कार्यक्रम रहेको छ। पुरस्कृत विद्यार्थीलाई टीका, सम्मान र नगद पुरस्कार प्रदान गरिदिनुहुन सभाध्यक्ष र प्रमुख अतिथिलाई अनुरोध गर्दछु। पुरस्कृत विद्यार्थीलाई बधाई ज्ञापन गर्दै यस कार्यक्रमको अन्त्य गरिदिनुहुन सभाध्यक्षलाई हार्दिक अनुरोध गर्दै म उद्घोषक पनि विदा हुन्छु, नमस्कार।