'घरझगडा' कथाको सार एक अनुच्छेदमा लेख्नुहोस्

Question

Accepted Answer

'घरझगडा' कथा रानी राजेन्द्रलक्ष्मी र उनका देवर बहादुर शाहबिचको सत्ता-सङ्घर्ष र मेलमिलापको कथा हो। नजरबन्दबाट छुटेपछि राजेन्द्रलक्ष्मी आफ्नो छोरा रणबहादुर शाहको रक्षाका लागि गरेको सङ्घर्ष र बहादुर शाहसँगको बिग्रँदो सम्बन्धको पीडा पोख्छिन्। यसैबीच पाल्पा, पर्वत, तनहुँ जस्ता चौबिसी राज्यहरूले सङ्गठित भई आक्रमण गर्ने तयारी गरेको खबर आउँछ। राजगुरु गजराज मिश्रको 'बाहिरी शत्रुलाई उठ्न दिनाको मूल कारण घरभगडा हो' भन्ने टिप्पणीले राजेन्द्रलक्ष्मीलाई मेलमिलापतर्फ सोच्न बाध्य बनाउँछ। उनी बहादुर शाहलाई ल्याई कुराकानी गर्छिन् र दुवैले मिलेर काम गर्ने प्रतिबद्धता जनाउँछन्। तर कुरौटेहरूको उक्साहटले पुनः अविश्वास बढ्छ र बहादुर शाह बेतियातिर लाग्छन्। कथा गोरखामाथि हुन लागेको हमलाको खबरसँगै 'अब गर्ने के?' भन्ने चिन्ताजनक प्रश्नमा टुङ्गिन्छ, जसले आन्तरिक एकताको तत्काल आवश्यकतालाई देखाउँछ।