निर्वाचन प्रक्रियामा नागरिकले खेल्न सक्ने भूमिका उल्लेख गर्नुहोस्।

Question

Accepted Answer

निर्वाचन प्रक्रियामा नागरिकले खेल्न सक्ने भूमिकाहरू निम्नानुसार छन्। १. मतदाता नामावलीमा नाम समावेश गर्ने, नाम सच्याउने र हटाउने कामलाई सघाउने। २. आर्थिक प्रलोभनमा नपरी आफूले चाहेको उम्मेदवारलाई मत हाल्ने। ३. विभिन्न राजनीतिक दलका घोषणापत्रको जानकारी जनतालाई गराउने। ४. मतदाता शिक्षा कार्यक्रममा सहभागी हुने। ५. निर्वाचनसम्बन्धी प्रचार प्रसार गर्ने। ६. मतदानका क्रममा अनुशासित भई लाइनमा बस्ने र मतदान गर्ने। ७. मतदान स्थलमा होहल्ला नगर्ने। ८. वृद्ध, अपाङ्गता भएका, सुत्केरी र गर्भवतीलाई पहिलो प्राथमिकता दिने वातावरण मिलाउने। ९. फर्जी मतदान कार्यलाई निरुत्साहित गर्ने। १०. गाउँघरमा निर्वाचन प्रक्रियासम्बन्धी छलफल र जागरणमूलक कार्यक्रममा सक्रिय सहभागिता जनाउने।