इन्सेकले मानवअधिकारका क्षेत्रमा पुऱ्याएको योगदानको चर्चा गर्नुहोस्।

Question

Accepted Answer

इन्सेकले मानवअधिकारका क्षेत्रमा पुऱ्याएको योगदान उल्लेखनीय रहेको छ। सन् १९८८ मा स्थापना भएको यस संस्थाले नेपालमा मानव अधिकार र मौलिक हकको सवालमा लामो समयदेखि क्रियाशील रही अनौपचारिक क्षेत्रमा संलग्न व्यक्तिको मानव अधिकार रक्षा गर्ने काम गरेको छ। इन्सेकले वर्षभरिमा अनौपचारिक क्षेत्रमा मानव अधिकारको अवस्था अध्ययन विश्लेषण गरी सत्य, तथ्य बाहिर ल्याउने महत्वपूर्ण भूमिका निर्वाह गर्दै आएको छ। यसका साथै यसले प्रत्येक वर्ष 'मानव अधिकार वर्ष' पुस्तकमार्फत मानव अधिकार सम्बन्धी वास्तविक घटना सार्वजनिक गर्ने, सचेतनामूलक कार्यक्रम तथा तालिम सञ्चालन गर्ने, मानव अधिकारको अवस्था विश्लेषण गरी राय-सल्लाह प्रस्तुत गर्ने, उल्लङ्घन विरुद्ध उजुरी तथा समाधानका उपाय खोजी गर्ने र मौलिक हक कार्यान्वयनका लागि दबाबमूलक कार्यक्रम सञ्चालन गर्ने काम गर्दै आएको छ। यसरी इन्सेकले नेपालमा मानव अधिकार संरक्षण र सचेतना अभिवृद्धिमा महत्वपूर्ण योगदान पुऱ्याएको छ।