'भूकम्पलाई रोक्न सकिँदैन तर क्षतिको न्यूनीकरण गर्न सकिन्छ।' यस भनाइलाई उदाहरणसहित पुष्टि पार्नुहोस्।

Question

Accepted Answer

यो भनाइ उदाहरणसहित यसरी पुष्टि गर्न सकिन्छ। भूकम्प पृथ्वीभित्र निरन्तर भइरहने प्राकृतिक भूगर्भीय प्रक्रिया (Tectonic Plates को ठोक्काइ/घर्षण) बाट उत्पन्न हुने भएकाले मानिसले यसलाई रोक्न सक्दैन। तर भूकम्प प्रतिरोधी संरचनाको निर्माण गर्ने, चर्किएका वा भत्किन लागेका घरभित्र नबस्ने, भूकम्पका बेला टेबुल वा डेस्कबेन्चमुनि ओत लागेर सुरक्षित हुने, विद्युत् र ग्याँसको स्विच बन्द गर्ने, आपत्कालीन झोला तयारी अवस्थामा राख्ने जस्ता सावधानी अपनाएमा भूकम्पले पुऱ्याउने धनजनको क्षति भने उल्लेख्य रूपमा घटाउन सकिन्छ। उदाहरणका लागि, भूकम्प प्रतिरोधी संरचनामा बनेका घरहरू ठुलो भूकम्पमा पनि सजिलै भत्किँदैनन्, जसले गर्दा जनधनको क्षति कम हुन्छ। यसैले 'भूकम्पलाई रोक्न सकिँदैन तर क्षतिको न्यूनीकरण गर्न सकिन्छ' भन्ने भनाइ सही सावित हुन्छ।