राजनीतिक सङ्क्रमण भनेको के हो? वि.सं. २००७ देखि २०१७ को दशकलाई राजनीतिक सङ्क्रमणको अवधि किन भनिन्छ?

Question

Accepted Answer

राजनीतिक सङ्क्रमण भनेको एउटा राजनीतिक व्यवस्थाबाट अर्को व्यवस्थामा जाने क्रममा देखिने अस्थिरता, अनिश्चितता र निरन्तर परिवर्तनको अवस्था हो। वि.सं. २००७ देखि २०१७ सम्मको दशकलाई राजनीतिक सङ्क्रमणको अवधि भनिनुका कारणहरू: १. यस अवधिमा मातृका कोइरालाको सरकार, परामर्शदातृ सरकार, राजाको प्रत्यक्ष शासन, टङ्कप्रसाद आचार्य सरकार, डा. के.आई. सिंहको सरकार, सुर्वणशमशेरको काम चलाउ सरकार गरी धेरै सरकार पटक-पटक गठन र विघटन भए। २. डा. के.आई. सिंहको विद्रोहजस्ता घटनाले राजनीतिक अस्थिरता थप बढायो। ३. निर्धारित समयमा आम निर्वाचन हुन सकेन (वि.सं. २००९ र २०१४ मा तोकिएको निर्वाचन हुन सकेन)। ४. राजाले पटक-पटक प्रत्यक्ष शासन गर्नुपर्ने अवस्था आयो। ५. अन्ततः वि.सं. २०१५ मा संविधान जारी भई २०१६ मा मात्र पहिलो जननिर्वाचित सरकार बन्न सक्यो। यी सबै कारणले यस दशकलाई प्रजातन्त्रबाट स्थिर शासन व्यवस्थातर्फको सङ्क्रमणकाल मानिन्छ।