दिइएका बुँदाका आधारमा इन्दिरा प्रसाईंको जीवनी तयार पार्नुहोस्

Question

Accepted Answer

इन्दिरा प्रसाई नेपाली साहित्यका एक प्रतिभाशाली स्रष्टा हुन्। उनको जन्म वि.सं. २०१४ फागुन ३ गते दार्जिलिङमा भएको हो। उनकी आमा दुर्गादेवी नेपाल र बुबा गणेशप्रसाद शर्मा हुन्। हाल उनी काठमाडौं महानगरपालिका, अनामनगरमा बसोबास गर्छिन्। उनले त्रिभुवन विश्वविद्यालयबाट एम.बी.ए. सम्मको शिक्षा हासिल गरेकी छिन्। इन्दिरा प्रसाईंले कथा, कविता, निबन्ध, उपन्यास, खण्डकाव्य र समीक्षात्मक जीवनीमूलक निबन्ध गरी विविध विधामा कलम चलाएकी छिन्। उनी नारीवादी साहित्यकार, सामाजिक कथाकार तथा मनोवैज्ञानिक कथाकारका रूपमा चिनिन्छिन् र जीवन तथा विज्ञानको समन्वय गरी साहित्य सिर्जना गर्ने उनको विशेषता रहेको छ। उनको उत्कृष्ट साहित्यिक योगदानका कारण उनले युवावर्ष मोती पुरस्कार, मैनाली कथा पुरस्कार, राष्ट्रिय प्रतिभा पुरस्कार, राष्ट्रिय गौरव युवासम्मान र दीपज्योति पुरस्कारलगायत थुप्रै पुरस्कारबाट सम्मानित हुने गौरव हासिल गरेकी छिन्। इन्दिरा प्रसाईंको यस्तो बहुआयामिक साहित्यिक योगदानले नेपाली साहित्यलाई थप समृद्ध बनाएको छ।