'क' र 'ख' मा दिइएका अंश पढी प्रत्यक्ष र अप्रत्यक्ष कथनबारे छलफल गर्नुहोस्

Question

Accepted Answer

(क) एक जना साथीले हाँसैहाँसोमा पिकासोलाई भनेछन्, 'आफ्नो घरका भित्तामा आफ्ना चित्र किन नराखेको नि, के तिमीलाई आफ्ना चित्र मन पर्दैनन्?' पिकासोले जबाफ दिएछन्, 'हैन मित्र! मलाई मेरा चित्र निकै मन पर्छन् तर ती निकै महँगोमा बिक्छन्, म ती महँगा चित्र किन्न सक्दिनँ।' (ख) एक जना साथीले पाब्लो पिकासोलाई आफ्ना चित्र मन नपरेर आफ्ना घरको भित्तामा आफ्ना चित्र नराखेको हो र भनी प्रश्न गरेछन्। पिकासोले आफूलाई आफ्ना चित्र निकै मन परे पनि ती चित्र निकै महँगोमा बिक्ने भएकाले आफूले किन्न नसक्ने हुँदा आफ्नो घरको भित्तामा नराखेको भनी जबाफ दिएछन्। व्याख्या: 'क' को अंशमा वक्ताले भनेका वाक्यलाई उनले जस्तो भने त्यस्तै राखिएकाले ती प्रत्यक्ष कथनका वाक्य हुन् भने 'ख' को अंश अप्रत्यक्ष कथन हो। प्रत्यक्ष कथनबाट अप्रत्यक्ष कथनमा बदल्दा वक्ताको कथनलाई जस्ताको त्यस्तै राखिँदैन; वक्ताको कथनको आशय बुझ्ने गरी केही शब्द फेरबदल पनि गर्न सकिन्छ।