सामुदायिक स्वास्थ्य भनेको के हो? यसको महत्त्व उल्लेख गर्नुहोस्।

Question

Accepted Answer

सामुदायिक स्वास्थ्य: समुदायकै व्यक्तिले समुदायमा रहेका स्वास्थ्य समस्या पहिचान गरी त्यसको समाधान गर्न तथा व्यक्तिगत र वातावरणीय स्वास्थ्यमा सुधार ल्याउन गरिने क्रियाकलापलाई सामुदायिक स्वास्थ्य भनिन्छ। स्वास्थ्य शिविर सञ्चालन, घरदैलो स्वास्थ्य सेवा, जुकाको औषधी खुवाउने कार्यक्रम र घुम्ती स्वास्थ्य शिविर यसका उदाहरण हुन्। महत्त्व: व्यक्तिले एक्लै प्रयास गरेर मात्र आफ्नो स्वास्थ्य सुधार्न नसक्ने भएकाले सामूहिक प्रयासको आवश्यकता पर्छ। यसले समुदायको वातावरण स्वस्थ बनाई महामारी तथा रोगको जोखिम कम गर्छ, स्वास्थ्य सेवालाई जनताको घरदैलोसम्म पुऱ्याउन सहयोग गर्छ, देश विकासका लागि आवश्यक स्वस्थ जनशक्ति तयार गर्छ र व्यक्तिमा आफ्नो स्वास्थ्यप्रति सचेतना विकास गराउँछ।