विश्वग्रामको परिचय दिँदै यसले मानव जीवनमा पारेको प्रभाव उल्लेख गर्नुहोस् ।

Question

Accepted Answer

अहिलेको सूचना प्रविधिको युगमा संसार एउटा सानो गाउँ जस्तो भएको छ। कुनै ठाउँमा घटेको घटना तत्कालै विश्वको अर्को ठाउँमा जानकारी हुने भएकाले संसारका मानिस एउटै घरपरिवारका सदस्यका रूपमा रूपान्तरित भएका छन्। भूगोल अलग र दुरी टाढा भए तापनि मानवीय व्यवहार, सद्भाव, सहकार्य र सहयोगका कारण विश्व सीमाविहीन समाजमा बदलिएको यस अवस्थालाई विश्वग्राम भनिन्छ। विश्वग्रामले मानव जीवनमा निम्न प्रभाव पारेको छ: १. विश्वका मानिसबिच सूचना र जानकारीको तत्काल आदानप्रदान सम्भव भएको छ। २. फरक फरक देशका मानिसबिच परस्पर सहयोग, सद्भाव र सहकार्यको संस्कृति विकास भएको छ। ३. अपरिचित, पराइ र विदेशीसँगको सम्बन्ध, सहयोग र सद्भावको संस्कृति बढ्न थालेको छ। ४. मानवीय सम्बन्ध, सहयोग र मेलमिलापको आवश्यकताको बोध भएको छ।