मानव अधिकारलाई विश्वव्यापी रूपमा उच्च प्राथमिकता दिनुका कारण उल्लेख गर्नुहोस्।

Question

Accepted Answer

मानव अधिकारलाई विश्वव्यापी रूपमा उच्च प्राथमिकता दिनुका कारणहरू निम्नानुसार छन्। १. मानव अधिकार प्रत्येक व्यक्तिको जन्मसिद्ध, प्राकृतिक र आधारभूत अधिकार भएकाले यसलाई सुरक्षित नराखी मानिसले मर्यादित जीवन बाँच्न सक्दैन। २. यसले जाति, भाषा, धर्म, लिङ्ग, अपाङ्गता, राष्ट्रियता, आर्थिक-सामाजिक अवस्था आदिको भेदभावविना सबैलाई समान व्यवहार सुनिश्चित गर्छ। ३. मानव अधिकारको उल्लङ्घनले व्यक्तिको आत्मसम्मान, स्वतन्त्रता र सुरक्षामा गम्भीर आघात पुऱ्याउने भएकाले यसलाई संरक्षण गर्नु अनिवार्य ठानिन्छ। ४. यसले शान्ति, न्याय र समानतामा आधारित समाज निर्माणमा टेवा पुऱ्याउँछ। यिनै कारणले गर्दा सन् १९४८ मा नै संयुक्त राष्ट्रसङ्घले मानव अधिकारसम्बन्धी विश्वव्यापी घोषणा पत्र जारी गरी यसलाई विश्वव्यापी प्राथमिकताको विषय बनाएको हो।