प्रथम विश्वयुद्धमा नेपालीले खेलेको भूमिकाको छोटकरीमा वर्णन गर्नुहोस्।

Question

Accepted Answer

प्रथम विश्वयुद्धताका नेपालका प्रधानमन्त्री चन्द्रशमशेरले अङ्ग्रेजलाई सहयोग गर्न जनरल बबरशमशेरको नेतृत्वमा ७,५०० नेपाली फौज पठाएका थिए। पछि जनरल पद्मशमशेर, तेज शमशेर र केशर शमशेरको नेतृत्वमा समेत नेपाली फौज पठाइयो। कुल १६,५४४ जना नेपाली सैनिकले प्रथम विश्वयुद्धमा अङ्ग्रेजका तर्फबाट लडाइँ लडे। चन्द्रशमशेरले बेलायतलाई १० लाख पाउन्ड आर्थिक सहयोग पनि प्रदान गरेका थिए। यसबाट प्रभावित भई बेलायत सरकारले चन्द्र शमशेरलाई ब्रिटिस फौजको जनरल पद प्रदान गर्‍यो र कम्पनी सरकारले नेपाललाई प्रतिवर्ष १० लाख रुपियाँ प्रदान गर्न थाल्यो। युद्धमा वीरता प्रदर्शन गरेबापत धेरै नेपाली फौज भिक्टोरिया क्रस र मिलिटरी क्रस पदकबाट सम्मानित भए।